|
kasalukuyan akong nababad trip dahil sa *lintik* na tracks para sa aming kurso. biruin mo, bigyan ba naman kami ng instruction na maglagay ng "top 1 & 2" na pinaka gustong track. ayos na ang lahat. sinunod ko ang instruction na iyon, at nilagay naman ang kaukulang 2 track. una ang comm track, at ikalawa ang CS (com sci) track. malinis. maayos. maaga.
umusbong ang balita nung nakaraang linggo na sa halip na 40 ang estudyante ng comm track, kailangang bawasan ito upang maging 30 na lamang. at hayun! binawasan nga ang listahan.
napunta ako sa CS track kasama si kris. OK lang sana, kung di lang talaga malalaman ko na marami sa amin ang inilagay sa aming mga 2nd choice! tinamaan ng magaling! ano pa ang naging saysay ng pamimili, at paglalagay ng iyong "top 1" kung ilalagay ka sa iyong "top 2" na wala namang malinaw na basehan??? sasabi-sabihin pa na ito'y "first come, first served". e bakit malalaman ko na may isang taong nahuli sa pagpapalista ng kanyang track ay mapupunta sa isang track na dapat ay PUNO NA!!! mga tinamaan talaga ng magaling!!!
at ang masaklap? ang talagang tinamaan ng magaling na nagpasya nito!!!! ang sarap mong kalbuhin!!! ang sarap APAKAN!!! magtago ka na sa pinanggalingan mo!!!!! grrrrr...
pasensiya na sa marahas na pananalita. mas marahas pa yan kung hindi ako limitado sa mga maari kong sabihin. (mahirap nang ma-blacklist sa pagmumura).
huhupa din ito. pero sa ngayon, dito na lamang ako mananatili sa aking dorm. baka makita ko pa ang taong may pakana ng lahat ng ito. magkakasala pa ako lalo.
GGGGGGRRRRRRRRRRRRR!!!!!!
|