|
dumaan at lumipas ang pasko ng walang hassle. :) maaga kaming nabulabog kanina sa daming mga namamaskong kumakatok sa bahay. yun ba yung mga sumisigaw ng "namamasko po!" mula sa gate habang paulit ulit ding nagdo-doorbell. tipong parang nangangaroling, pero imbes na kumakanta, paulit ulit at sabay sabay na sisigaw ng "NAMAMASKO PO!".
hindi kami nagbigay ng anuman, mapa barya o pagkain sa mga namamasko ngayong taon. dati kasi nagbibigay kami ng mga candy sa mga bata, tapos mga nakabalot na bigas kung may mga kasamang magulang yung mga bata. ang kaso ngayon, mukhang nawindang kaming lahat dito at nakalimutang maghanda. e kesa naman bibigyan yung iba tapos tatanggihan yung iba, mabuti nang "break" muna ngayong taon. :)
* * * * *
eto bagong discovery:alam ko na ang isa sa mga pinakaepektibong gamot sa ubo: ice cream! hehe! oo, promise! pano kasi katatapos ko lang ubuhin bago magpasko, tapos pagkagising ko kanina inuubo na ko ulit. actually buong pamilya ko yata ang inubo, may kung anong virus yata kaming nalanghap kung san man. anyway, dahil likas namang matigas ang ulo ko, tumakas pa rin akong kainin yung ice cream kanina (hehe). naka 2 cups ako bago ako muntik nang mahuli, at di nagtagal, ABA! hindi na makati ang lalamunan ko! kanina pa yung mga 10 ng umaga, at hanggang ngayon, wala ni isang ubo. :) effective! hehe.
* * * * *
matutulog na lang kami, napagalitan pa ako kanina. pano ba naman may lintik na ipis dun sa may lababong pupuntahan ko para magtoothbrush. excited pang tinuro sa kin ng magaling kong kapatid kaya ang sarap ng sigaw ko sa takot (sabay ang sarap din ng tawa niya, 'langyang bata). narinig kami (actually ako lang) ni mommy. patay akong bata ako. buti na lang malaki na ko, kung hindi, napalo siguro ako. :)
|