|
employed but not quite
opo mga kaibigan, ako'y parte na ng milyon-milyong populasyon ng mga gumigising ng maaga para pumasok sa isang 8-oras (sa kaso ko, 9-oras) na trabaho sa isang korporasyon. may time card, may ID, may desk at computer, may mga bossing na tinatawag ng "ma'am" at "sir", mga gwardiya at janitor na binabati, may mga bolpen, paste, highlighter, gunting, at kung anu anong paraphernalia sa mesa, at higit sa lahat, may mga alituntuning (o SOPs) na sinusunod.
pero, di tulad nila, wala akong sweldo. lunch chits lang
kunsabagay, OK lang. marami naman akong "perks". tulad ng...kaga-gwapo ng mga bossing ko (hehe), sobrang magkasundo kami ni Karen (anG taong na-assign na magturo sa akin), maraming freebies tulad ng mga bolpen at flashlight at bags at shirts at jacket at statio, exciting ang project na kinabibilangan ko, at katapat ng opisina namin ang Greenhills Shopping Center. mamam!
siguro tama lang na wala akong sweldo, kasi mauubos lang sa kapupunta sa "tapat". :D
saka kung tutuusin, tinulungang buhayin ng kumpanyang ito ang aming pamilya sa loob ng 26 na taon. kaya, in a sense, nagbabayad ako ng utang na loob. :)
*highlight agad*
tignan mo nga naman, ikalawang araw ko pa lang may highlight na kong nalalaman. pano ba naman nung tuesday, mga 11 ng umaga, nagpunta si Bossing1 o B1 (itago natin siya sa pangalang ito) sa aming area at nagtanong kung saan masarap kumain. naubos na ang lahat ng restaurant sa greenhills pero parang wala siyang natripan. aba, e tinatamad pala lumabas ang loko. tapos, biglang sinabi: "samahan nyo naman akong kumain o", sabay ngiti ng kanyang
natutunaw-na-ako-dahil-ang-gwapo-mo-talaga killerrrrrr smile.
AAAAAAHHHHHHHHHHH!!!!!!!! tinablan naman ang yours truly! syempre kinalimutan ko na ang lunch chit ko. at nauwi kami sa KFC delivery. :D
buong buhay nang matatatak sa aking gunita ang hotshots, ceasar at asian salad, chik'n fillet sandwich, ceasar go go sandwich, at pepsi na pinagsaluhan namin nina Karen at B1. ooooohlala!!! :) isang oras ding bonding yun sa opisina pa niya mismo!!! at nilibre niya kami. haaaaaay... :) :)
sabi ko nga sa isang DUDE na binalitaan ko nito, "magkakaroon na ng espesyal na lugar ang KFC sa buhay ko." :) :) :)
sana bukas naman bento box, o kaya yellow cab, o kaya wendy's, o kaya shakey's, o kaya sana magbreak na sila nung girlfriend niya...hehe. mangarap ba daw. :)
|